ИСТОРИЈАТА НА THINK

Од почетоците во 1992 г., филозофијата позади ThinkPad е да се создаваат најдобрите и најиновативните производи, кои не само што одговараат на потребите на бизнис корисниците, но и ги прават поефикасни. Тој постојан фокус го претвори ThinkPad во иновациски лидер и синоним за квалитет, сигурност и моќ. Секој ThinkPad е со докажана издржливост, ефикасен дизајн и ненадминати перформанси. Постојаниот стремеж кон иновации ја претвори Lenovo во компјутерска компанија број 1 во светот.

СВЕТСКИ ЛИДЕР ВО ИНОВАЦИИ

Тимот за развој на ThinkPad во прочуените лаборатории во Јамато (Јапонија) постојано се стреми да создаде иновации и да го направи секој следен ThinkPad подобар од претходниот. Во тој стремеж се крие тајната позади создавањето на најдобрите бизнис лаптопи во светот, за тие да бидат олицетворение на висок квалитет, исклучителна сигурност, издржливост и врвни перформанси.

Главните центри за развој на Lenovo во Јапонија, Кина и САД им овозможуваат на 1.700 истражувачи да ги поместат границите на возможното.

Со повеќе од 1.000 награди за дизајн и иновации и место во Музејот на Модерна Уметност во Њујорк, Lenovo им помогнале на повеќе од 100 милиони корисници да бидат попродуктивни.

ПРВИОТ THINKPAD ВО ВСЕЛЕНАТА

Во 1993 г. ThinkPad 750c стана првиот лаптоп кој летал во вселената. Од тогаш ThinkPad е стандардот за многу мисии со нулта гравитација, играјќи ја својата улога во високо-технолошките истражувања и важни проекти надвор од земјината атмосфера.

ThinkPad 701, 1995 г.

ПРВИОТ ЛАПТОП СО ТАСТАТУРА ОД ТИПОТ „ПЕПЕРУТКА”

ThinkPad 701 поседува уникатно решение за тастатурата. Во затворена позиција 701 е само 9,7" широк - помал од лист хартија со А4 формат. После кревање на капакот, тастатурата во полна големина со 85 типки, се отвора за работа и автоматски се лизга на своето место при затворање, за да се смести во компактното куќиште на лаптопот.

ПРВИОТ ЛАПТОП СО ЧИТАЧ ЗА ОТПЕЧАТОЦИ ОД ПРСТИ

Во 2004 г. ThinkPad T42 е првиот лаптоп со биометриска функција за заштита со помош на вграден читач за отпечатоци од прсти поврзан со безбедносен чип. Тоа овозможува зголемена заштита бидејќи корисникот едноставно поминува со прстот преку малиот хоризонтален сензор за да добие пристап.

ПРВИОТ ЛАПТОП СО ВГРАДЕН DVD-ROM

Во 1997 г. ThinkPad 770 е првиот лаптоп со DVD-ROM, овозможувајќи им на корисниците пристап до повеќе податоци и висококвалитетно видео.

СОЗДАДЕН ЗА СЕКАКВИ ПРЕДИЗВИЦИ

Кога сакате да ги надминете сопствените граници, потребен Ви е лаптоп кој што нема да Ве разочара. Со својата легадарна сила и издржливост, ThinkPad бил првиот избор за неверојатен број на први обиди во светот. Каков и да е предизвикот, ThinkPad се справува со леснотија.

ThinkPad W500, 2009 г.

ПРВИОТ ЛАПТОП ВО БАЗНИОТ КАМП НА МОНТ ЕВЕРЕСТ

Познат по својата издржливост при екстремни услови, ThinkPad е првиот лаптоп користен од алпинистите во базниот камп на Монт Еверест.

ПАРТНЕР НА ОЛИМПИСКИТЕ ИГРИ ВО ПЕКИНГ

Избрани за официјален партнер на олимписките игри во Пекинг во 2008 г., Think продуктите се употребувани во 56 олимписки пунктови во 7 града. Освен тоа, Lenovo обезбеди над 30 000 парчиња компјутерска опрема и 600 инженери и техничари за поддршка на менаџирањето на игрите.

ИЗБОРОТ НА ЛОВЦИТЕ НА БУРИ

Доволно јак за да биде употребуван на 500 метри од окото на торнадото со брзини од 300 км/ч, ThinkPad може да зачувува податоци во екстремни услови. Затоа ловците на бури низ целиот свет се потпираат на ThinkPad, за да бидат еден чекор пред бурата.

РЕКОРД ЗА БРЗИНА НА КОПНО „АМЕРИКАНСКИ ОРЕЛ”

При обидите за подобрување на рекорди, високата ефикасност претставува сè. Think стои зад обидите за рекорди за најголема брзина на копно. Нашите високоефективни Think продукти го задвижија „Северноамериканскиот орел” до суперсонични брзини на копно.

КОМПЈУТЕРСКА КОМПАНИЈА БРОЈ 1 ВО СВЕТОТ

Lenovo е компјутерска компанија број 1 во светот, вредна повеќе од 34 милијарди американски долари и работи во над 160 држави. Нејзиниот успех е изграден врз култура на непрестајна иновација, која што ѝ помага на компаниjaта да создава револуционерни продукти со иновативни технологии.
Основана во 1984 година, Lenovo стана голема глобална сила по придобивањето на компјутерскиот оддел на IBM во 2005 година, а со него и светски познатиот бренд Think.

Од тогаш ThinkPad останува на врвот на бранот, освојувајќи повеќе од 100 важни награди за дизајн во непрекинатиот стремеж кон иновативни технологии, кои одговараат на зголемените потрошувачки потреби. Со елеганција во дизајнот и елеганција во функциите, Lenovo го создаде и го одржува стандардот во индустријата за отпорност, издржливост и сигурност. И до денес ThinkPad останува најфлексибилната и најмоќната алатка за оние кои сакаат да го направат невозможното. Со повеќе од 100 милиони продадени ThinkPad, не е ни чудо што Lenovo е најбрзо растечката компјутерска компанија на планетата.

*Intel, the Intel Logo, Intel Inside, Intel Core, and Core Inside are trademarks of Intel Corporation in the U.S. and/or other countries.